Azərbaycan Dövlət Film Fondunun ekspozisiyasında Azərbaycanın görkəmli teatr və kino aktyoru, Xalq artisti Ağasadıq Gəraybəylinin 125 illik yubileyi münasibətilə fotosərgi təşkil olunub.
Fotosərgi tanınmış aktyorun kino yaradıcılığına həsr olunub. Təqdim olunan fotoşəkillərdə Ağasadıq Gəraybəylinin kinoda yaratdığı obrazlar və çəkildiyi filmlərin kadrarxası məqamları öz əksini tapıb. Fotosərgidə 30-a yaxın fotoşəkil nümayiş olunur.
Sərgi aprelin 11-nə kimi davam edəcək.
