Azərbaycan Respublikası Mədəniyyət Nazirliyi, Azərbaycan Respublikası Kino Agentliyi və Azərbaycan Dövlət Film Fondunun birgə təşkilatçılığı ilə 2 avqust – Azərbaycan Kinosu Günü münasibətilə Film Fondunda mədəniyyət könüllüləri və tələbələr üçün infotur və film nümayişi təşkil olunacaq.
Tədbir çərçivəsində iştirakçılar Film Fondunun fəaliyyəti ilə yaxından tanış olacaq, kino irsimizi əks etdirən arxiv materiallarına baxış keçirəcək və kino mühitinə dair maarifləndirici məlumatlar əldə edəcəklər.
Bundan əlavə, iştirakçılara Azərbaycan Respublikası Mədəniyyət Nazirliyinin sifarişi ilə istehsal olunmuş “Cənnət yuxusu” bədii-sənədli filmi nümayiş olunacaq.
“Kino səni gözləyir!” şüarı ilə keçiriləcək bu tədbirin əsas məqsədi gənclər arasında kino mədəniyyətinin təbliği, Azərbaycan kinosuna marağın artırılması və kino irsimizin gələcək nəsillərə tanıdılmasıdır.