Rusiyanın tanınmış teatr və kino aktyoru Andrey Myaqkov 83 yaşında vəfat edib.
Çexov Moskva İncəsənət Teatrının mətbuat xidmətindən verilən məlumatda aktyorun ürək çatışmazlığından vəfat etdiyi bildirilib.
Qeyd edək ki, Andrey Myaqkov 1938-ci ildə Leninqrad şəhərində anadan olub. 1965-ci ildə Moskva İncəsənət Teatr Məktəbini bitirib, sonra Sovremennik Teatrının truppasına qəbul olunub.
Myaqkovun ilk ciddi rolu İvan Pyriyevin “Karamazov qardaşları” filmindəki Alyoşa Karamazov rolu olub. Aktyor “Turbin günləri”, “İşdə məhəbbət macərası”, “Qaraj”, “Zalım Romantika” kimi məşhur filmlərdə də rol alıb.
18.02.2021